3․ Մախգիլիս (Մաքս) Էյվե

Էնվեն հանդիսանում է աշխարհի 5-րդ չեմպինոը։ Շախմատային կենսագրությունը կարող եք ընթերցել այստեղ

1970-ին մի խումբ առաջատար գրոսմայստերների կողմից առաջադրված և սովետական ​​ֆեդերացիայի կողմից աջակցություն ստացած Էյվեն միաձայն ընտրվեց ՖԻԴԵ-ի նախագահ ՝ փոխարինելով Ֆոլկե Ռոգարդին: ՖԻԴԵ-ի կոնգրեսում Էյվեն միակ թեկնածուն էր:
Նա ստանձնեց այս պաշտոնը երկու ժամկետով (1970-1978): Նրա նախագահության ընթացքում տեղի ունեցան աշխարհի առաջնությունների սկանդալային հանդիպումները՝ Բորիս Սպասկիի Ռոբերտ Ֆիշերի և չկայացած Ռոբերտ Ֆիշեր — Անատոլի Կարպովի միջև:
Որպես ՖԻԴԵ-ի նախագահ, Էյվեն մեծ ներդրում ունեցավ շախմատի զարգացման և մասսայականացման գործում, նպաստեց միջազգային սպորտային կապերի ամրապնդմանը, չնայած, ըստ մի շարք քննադատների, շախմատի մասսայականացման թերությունը սպորտային տիտղոսների արժեզրկումն էր: Բացի այդ, Էյվեն կարևոր դեր խաղաց ԷԼՈ վարկանիշը ՝ որպես ՖԻԴԵ-ի որակավորման համակարգի պաշտոնական գործիք և հիմք ընդունելու համար: Իր նախագահության օրոք Արևմուտքի և Սովետական ​միության միջև մի շարք հակասություններ եղան, որոնց ընթացքում Էյվեն ցույց տվեց փոխզիջման հասնելու իր ունակությունը:

1972-ին Ռեյկյավիկում կայացավ աշխարհի չեմպիոնի կոչման մրցամարտը Բորիս Սպասկու և Ռոբերտ Ֆիշերի միջև, որն ավարտվեց Ֆիշերի հաղթանակով: Հանդիպման անցկացումը հիմնականում Էյվեի անձնական արժանիքն էր, որը մի քանի անգամ զիջումների գնաց հավակնորդի հետ: Այսպիսով, Էյվեն որոշեց հետաձգել խաղի մեկնարկը, երբ Ֆիշերը չի ժամանել Ռեյկյավիկ՝ բացման արարողության և առաջին խաղի համար՝ պնդելով, որ հիվանդ է, չնայած բոլորը գիտեին, որ իրական պատճառը Ֆիշերի և Ամերիկայի ֆեդերացիայի միջև տարաձայնությունն է: Էյվեն նաև ջանքեր գործադրեց 1975-ին Ֆիշերի և Կարպովի միջև մրցամարտը անցկացնելու համար, բայց այն բանից հետո, երբ Ֆիշերը չհաստատեց հանդիպումը կայացնելու որոշումը սահմանված ժամկետում, Էյվեն հռչակեց Կարպովին աշխարհի չեմպիոն:
Իր երկրորդ քառամյա ժամկետում Էյվեն կայացրեց երկու որոշում, որոնք զայրացրեցին խորհրդային ղեկավարությանը: 1976-ին Էյվեն պնդում էր, որ Հայֆայում անցկացվելու է շախմատի օլիմպիադան, որը բոյկոտել էին ԽՍՀՄ-ն, այլ սոցիալիստական և արաբական մի շարք երկրներ: Միևնույն ժամանակ, Էյվեն աջակցեց Վիկտոր Կորչնոյին, ով Հոլանդիայում անցկացվող մրցաշարից հետո չվերադարձավ ԽՍՀՄ և քաղաքական ապաստան խնդրեց: Մասնավորապես, Էյվեն երաշխավորեց, որ Կորչնոյը կպահպանի հավակնորդների մրցաշարին մասնակցելու իրավունքը: Սովետական ​​ղեկավարությունը դեմ հանդես եկավ Էյվեյի երրորդ ժամկետի թեկնածության դեմ։ 1978 թ.-ին կայացած հաջորդ ընտրություններին Էյվեն չմասնակցեց և նոր նախագահ ընտրվեց իսլանդացի գրոսմայստեր Ֆրիդրիկ Օլաֆսոնը:

Արտյոմ Սուքիասյան