Արդեն խոսել ենք երկու փղի առավելության մասին: Սակայն, ցանկացած շախմատիստի մի օր բախտ է վիճակվում խաղալ հակառակորդի նման առավելության դեմ: Փղերի զույգն, իհարկե, ուժեղ է, սակայն կան մի քանի միջոցներ, որոնցով կարելի է պայքարել դրա դեմ և ոչնչացնել դրա գործունեությունը:
Հիշեք:
- Փղերը ուժեղ են բաց դիրքերում:
- Եթե դիրքը կիսաբաց է, փղերի վիճակը լավ է, երբ ձին չունի որևէ հենակետ կամ ակտիվ դիրքեր:
- Փղերի զույգի առավելությունը պայմանավորված է փղերի լավ համագործակցությամբ:
Այդ ամենը հասկանալով` կարելի է արդեն մի քանի ծրագիր մշակել: Առաջին հերթին պետք է սահմանափակել փղերի ակտիվությունը և մրցակցի առավելությունը վերածել թերության:
Դուք պետք է`
- Փորձե՛ք որքան հնարավոր է փակ պահել խաղը, հատկապես եթե երկու փղի դիմաց ունեք երկու ձի:
- Ձեր ձիու համար հենակետեր ստեղծե՛ք և այն դարձրե՛ք ուժեղ, անհանգստություն պատճառող խաղաքար ձեր հակառակորդի համար:
- Փորձե՛ք հեռացնել փղերից մեկին խաղատախտակից: Սակայն մի՛ մոռացեք արդյունքում ստացված դիրքի մասին:
- Փոփոխե՛ք զինվորային կառուցվածքը, ձգտեք արգելափակել զինվորներին:
Սրանք այն գլխավոր գաղափարներն են, որ անհրաժեշտ է հիշել` փղերի զույգի դեմ խաղալիս: