Champions Chess Tour Chessable Masters մրցաշարի մասնակիցների թվում է նաև հայազգի Լևոն Արոնյանը: Ընտրական մրցաշարում Արոնյանը 15 հնարավորից վաստակեց 10․5 միավոր և գրավեց 5-րդ հորիզոնականը և իրավունք ստացավ մասնակցել նոկաուտ համակարգով մրցաշարին։
1/4 եզրափակչում Լևոն Արոնյանի մրցակիցն էր ադրբեջանցի Շահրիյար Մամեդյարովը։ Ըստ կանոնակարգի, մասնակիցները պետք է խաղան 4 պարտիայից բաղկացած 2 մրցամարտ, որի հաղթողը կանցնի հաջորդ փուլ։ Արոնյանին հաջողվեց վաղաժամ հաղթանակ տոնել երկու մրցամարտում էլ։
Առաջին մրցամարտ
Առաջին պարտիայում սպիտակներով ոչ-ոքի խաղալուց հետո Արոնյանը երկրորդ խաղում սևերով հաղթանակ տոնեց և կտրուկ մեծացրեց հաջողության հասնելու շանսերը։ Երրորդ պարտիայում սպիտակներով մեր շախմատիստը որոշեց ակտիվ խաղալ և ավարտել մրցամարտը, ինչն էլ հաջողությամբ կատարեց։ 4-րդ պարտիայի կարիքը արդեն չկար։
Կիսաեզրափակչում Արոնյանի մրցակիցն է լինելու վիետնամցի Լե Քուան Լիեմը։
Երկրորդ մրցամարտ
Պատասխան մրցամարտում Մամեդյարովը պետք է պարտադիր հաղթեր՝ պայքարը շարունակելու համար։ Սակայն հենց առաջին խաղում Արոնյանը սևերով հաղթանակ տարավ և գրեթե 0-ի հասցրեց պայքարը շարունակելու հավանականությունը։ Պատասխան խաղում Արոնյանը սպիտակներով փորձեց հաղթել և վճռել մրցամարտի ելքը, սակայն բարդ դիրքում Մամեդյարովը ավելի բախտավոր գտնվեց։ Երրորդ պարտիայում Մամեդյարովը պետք է հաղթեր, սակայն ամբողջ խաղը անցկացրեց պաշտպանության մեջ և ի վերջո պատրվեց։ Կրկին 4-րդ պարտիայի կարիքը չզգացվեց։