Գաբրիել Սարգսյանը ծնվել է 1983 թվականի սեպտեմբերի 3-ին Երևանում։
1996 թվականին դարձել է մինչև 14 տարեկանների աշխարհի չեմպիոն։
Հայաստանի կրկնակի չեմպիոն է (2000 և 2003 թվականներին):
2006 թվականին դարձել է Ռեյկյավիկի և Դուբայի միջազգային մրցաշարերի հաղթող:
Հայաստանի հավաքականի կազմում երեք անգամ դարձել է համաշխարհային օլիմպիադայի հաղթող` 2006 թվականին՝ Թուրինում, 2008 թվականին՝ Դրեզդենում և 2012 թվականին՝ Ստամբուլում:
Առաջին հաղթանակի համար պարգևատրվել է Մովսես Խորենացու մեդալով, երկրորդի համար՝ Հայրենիքին մատուցած ծառայությունների համար 1-ին աստիճանի մեդալով, երրորդի համար՝ Պատվո շքանշանով։
2008 թվականի դեկտեմբերին ճանաչվել է Հայաստանի լավագույն մարզիկ:
2019 թվականին դարձել է Եվրոպայի արագ շախմատի չեմպիոն։
2022 թվականին Հայաստանի հավաքականի առաջատարի կարգավիճակում նվաճել է Համաշխարհային օլիմպիադայի արծաթե մեդալը՝ սահմանելով նաև անձնական վարկանիշի ռեկորդ՝ 2711 կետ։